1 Samuel 7

1मग किर्याथ-यारीमाची माणसे आली, आणि त्यांनी यहोवाचा कोश नेला, आणि तो टेकडीवर अबीनादाबाच्या घरात आणून ठेवला. त्यांनी त्याचा मुलगा एलाजार याला यहोवाचा कोश राखायला पवित्र केले. 2कोश किर्याथ-यारीमात येऊन राहिला त्या दिवसापासून, बहुत काळ लोटला, म्हणजे वीस वर्षे झाली. इस्राएलाच्या सर्व घराण्याने शोक केला आणि परमेश्वराकडे वळण्याची इच्छा केली.

3शमुवेल इस्राएलाच्या सर्व घराण्याशी बोलला तो म्हणाला जर तुम्ही आपल्या सर्व ह्रदयाने परमेश्वराकडे परत वळता, तर आपणापासून परके देव आणि एष्टारोथ दूर करा, तुम्ही आपली ह्रदये परमेश्वराकडे लावा, आणि केवळ त्याचीच सेवा करा, म्हणजे तो तुम्हांस पलिष्ट्यांच्या हातून सोडवील. 4मग इस्राएली लोकांनी बाल व अष्टरोथ काढून टाकले, आणि केवळ परमेश्वराचीच आराधना करू लागले.

5आणि शमुवेल म्हणाला, सर्व इस्राएलांस मिस्पा येथे एकवट करा, म्हणजे मी तुम्हांसाठी परमेश्वराला विनंती करीन. 6मग ते मिस्पात जमले आणि त्यांनी पाणी काढून परमेश्वराच्या समोर ओतले. त्या दिवशी त्यांनी उपास केला आणि म्हटले, आम्ही परमेश्वराच्या विरूद्ध पाप केले आहे. तेव्हा शमुवेलाने तेथे इस्राएली लोकांचे वादविवाद मिटवले आणि लोकांचे मार्गदर्शन केले.

7आता इस्राएलाची लोक मिस्पांत जमले आहेत असे पलिष्यांनी ऐकले, तेव्हा पलिष्टयांचे अधिकारी इस्राएलावर चढाई करून आले. इस्राएल लोकांनी जेव्हा हे ऐकले, तेव्हा ते पलिष्ट्यांना घाबरले. 8नंतर इस्राएली लोक शमुवेलाला म्हणाले, परमेश्वर आमचा देवयाकडे आम्हासाठी धावा करण्याचे थांबवू नका.

9मग शमुवेलाने एक दूध पिणारे कोकरू घेऊन त्याचे संपूर्ण होमार्पण परमेश्वराला केले; आणि शमुवेलाने इस्राएलासाठी परमेश्वराचा धावा केला आणि तेव्हा परमेश्वराने त्याला उत्तर दिले.

10आणि शमुवेल होमार्पण अर्पण करत होता, तेव्हा पलिष्टी इस्राएलाशी लढायला जवळ आले; परंतु त्यादिवशी परमेश्वराने पलिष्ट्याविरूद्ध मोठ्या आवाजात गडगडाट करून त्यांस घाबरे केले व गोंधळात टाकले आणि इस्राएलापुढे त्यांचा पराभव झाला. 11तेव्हा इस्राएलाची माणसे मिस्पातून निघून पलिष्ट्यांच्या पाठीस लागली आणि बेथ-कारापर्यंत त्यांना मारीत गेली.

12मग शमुवेलाने एक दगड घेतला आणि मिस्पा व शेन याच्या दरम्यान तो उभा केला आणि त्याला एबन-एजर असे नाव देऊन म्हटले, येथपर्यंत परमेश्वराने आमचे साहाय्य केले आहे.

13असे पलिष्टी पराभूत झाले आणि ते इस्राएलाच्या सीमेत आणखी आले नाहीत. शमुवेलाच्या सर्व दिवसात परमेश्वराचा हात पलिष्ट्यांच्या विरूद्ध होता. 14आणि एक्रोनापासून गथापर्यंत, जी नगरे पलिष्ट्यांनी इस्राएलापासून घेतली होती ती इस्राएलास परत मिळाली; आणि त्यांचा प्रदेश इस्राएलाने पलिष्ट्यांच्या हातातून परत घेतला. त्यानंतर इस्राएल व अमोरी यांच्यामध्ये शांतता होती.

15शमुवेलाने आपल्या आयुष्याच्या सर्व दिवसात इस्राएलाचा न्याय केला. 16तो प्रत्येक वर्षी बेथलास, गिलगालास, व मिस्पात अनुक्रमाने जाई. आणि त्या सर्व ठिकाणी इस्राएलाचा न्याय करी. आणि रामा येथे तो परत माघारी येत असे, कारण तेथे त्याचे घर होते आणि तेथे सुध्दा त्याने इस्राएलाचे वादविवाद मिटवण्याचे काम केले. तेथे त्याने परमेश्वराला अर्पणे अर्पायला वेदी बांधली.

17